Brotxaketa

Turbina-disko bat fabrikatzeko orduan, eragiketa kritikoenetako bat muntaia-artekak brotxatzeko prozesua da, “FirTree” edo “Dove Tail” formarekin. Arteka horrek oso baldintza zorrotzak ditu zehaztasunari eta gainazalaren osotasunari dagokienez. Diskoaren periferian dauden alabeei eusten zaiela ziurtatzeaz arduratzen den geometria da; izan ere, horiek funtzionamendu-tenperatura altuetan eta minutuko 60.000 biraketa baino gehiagotan lan egiten dute. Turbina-osagaietan ohikoa den bezala, brotxatze-eragiketak nikel eta kobalto oinarriko superaleazioetan egiten dira, hau da, propietate mekanikoak tenperatura altuetan mantentzeko gai diren aleazio termorresistenteetan. Mekanizatzeko portaera oso baxua da, ondorioz, konplexutasun-gehigarri bat gehitzen zaio prozesuari.

CFAAk brotxatzeko makina bertikal bat du (EKIN A218), saiakuntza-banku gisa pentsatua, eta eraztun edo disko itxurako 500mm-ko diametroko probetak sartzeko gaitasuna du. Gehienez 70kN-ko esfortzua jasaten du brotxatzeko, eta 40m/minutuko gehieneko abiadura lortzen du akabera-eragiketetan. 2640mm-ko luzera duen brotxa-set bat instalatzeko egokia da.

Saiakuntza-bankua ikerketa bi ildo nagusitan egiteko da. Lehenik eta behin, kalitate, geometria eta brotxak mozteko baldintza berriak garatzea. Bigarrenik, ikerketa-fasean dauden material berriak brotxatzea; hau da, abiadura handiko turbina berriak diseinatzeko funtsezko materialak. Puntu honetan, azken osagaiaren baldintza geometriko eta gainazaleko zorrotzak bete nahi dira.